اول روايه لي (يتيمه فاهمه الدنيا غلط)

يتيمه, الدنيا, روايه, غلط), فاهمه

اول روايه لي (يتيمه فاهمه الدنيا غلط)

بسم الله الرحمن الرحين
بدون مقدمات
انا جايبه لكم روايه وهي اول روايه لي
(يتيمه فاهمه الدنيا غلط)
وانشاء الله تعجبكم طبعا للكاتبه : ^_^فرفوره
الي هي انا خخخخخ
يلا اخليكم مع الروايه
محمد يكلم زوجته : نوره وش فيك وش بلاك؟
نوره وهي تتألم : خالد بطني الله يخليك ساعدني
محمد ما عرف وش يسووي : بوديك المستشفى الحين
ووداها المستشفى وهو خايف عليها ولما دخلوها الغرفه
قعد يستنى وطووووول الدكتووور
لما طلع الدكتور راح له محمد ركض : وش صار لها؟؟
الدكتور وهو منزل راسه : المدام ولدت وجابت بنت بس هي توفت في عملية الولاده
محمد وهو منصدم : لا يا دكتور قل انك تمزح
الدكتور وهو كاسر خاطره محمد : ياليتني امزح ياليت
وراح وترك محمد
محمد على طوول دخل غرفتها وشاف جثتها وما قدر يستحمل اكثر حط راسه على صدرها وقعد يبكي ويشكي هموومه وهو حتى الحين مو مصدق
بعد فتره رفع محمد راسه وكأنه تذكر شي وراح للدكتور وقال له : وين بنتي
وداه الدكتوور للبنت وقال : هذي هي
وراح الدكتور
وقعد محمد يناظر بنته وهو يبكي ويقوول ولله رح انتبه لك الى يومي مرح اخليك تروحين مثل امك
وبعد ايام العزى و الهموووم والحزن
سمى محمد بنته لميس
ولميس ما قصروا عماتها منيره وخلود عوضوها عن الأم الي فاقدتها
بس لميس ما اكتملت الفرحه عندها لان ابوها توفى في حادث وعمرها 10 سنوات
وهي مرره متعلقه فيه وبكت بكى يقطع القلب
وبعد ايام العزى ما بقى لها الا عمانها الي هم ياسر ومنيره وخلود
اما جدتها وجدها متوفين
ومشت سنوات الحزن عند لميس وعمانها

-----------------------------------
لما صار عمر لميس 16
ترن ترن ترن ...... الساعه ترن
لميس وكشتها منفووشه وفيها النوم ورايحه فيها : ياليل مطولك مو وقتك
وقامت وتوضت وصلت الفجر ولبست تي شيرت وجنز ولبست عليهم المريول
وطلعت تفطر
لميس : السلام عليكم
منيره وياسر وخلود : وعليكم السلام
منيره : حبيبتي امشي افطري
لميس : انشاء الله عمتي
وبعد ما خلصوا فطور ودا ياسر خلود ولميس للمدرسه وراح لجامعته
((طبعا خلود عمرها 17 ما بينها وبين لميس الا سنه))
وبعد ما وصلوا المدرسه كل وحده راحت فصلها
((عند لميس))
كان عليهم فراغ
لميس اشتغلت عندها النذاله وراحت لصديقتها رنيم وقالت : امشي نروح نتهاوش مع ملاك هههه
رنيم : لا ولله عشان تنصرع علينا ذي فيها حالة نفسيه خخخ
لميس : اكيد بنت الاستاذه وش تبينها تصير اقول يلا امشي بس
وراحوا رنيم و لميس عند ملاك
لميس : هيه انتي يا شيفه
ما ردت ملاك
رنيم : وين لسانك اكلته القطوه
وشوي الا وتصارخ ملاك وتصيح وتقوول : بعدووا عني يا حيوانات بعدوووووووا
وتاخذ اقلام الصبوره وترميها على البنات << مدري وش ذنبهم المساكين
وكل البنات طلعوا من الفصل وهم يركضون
لميس : ههههههههههههههههههههههههههههه
رنيم : شفتي قلت لك منصرعه
لميس : من جدها ذي
رنيم : مدري عنها
لميس : اقول شوفي جت الاستاذه شوفيها
رنيم وهي تتأفف : وذي ما جاها حادث ولا عذر تغيب منه يا الله السنه كلها ولا مره شفتها غايبه
لميس : خخخ حلم ابليس دخول الجنه
ودخلوا البنات وكان عليهم رياضيات وبدت المدرسه تشرح ولميس طبعا ناييمه
((عند خلود))
كان عليهم تاريخ وكانت المعلمه مسويه نشاط
في كل نشاط ثلاث بنات طبعا الاستاذه الي تختار المجموعات
وكانت خلود مع ساره و رهف
وبعد ما شافت الاستاذه نشاط البنات عطتهم باقي الحصه فراغ
جت رهف للخلود : انتي صراحه قليلة ادب وفرحانه بنفسك كل النشاط انا وساره الي سويناه انتي ما سويتي شي ما تستحيين
خلود وهي طالع لها قرون وتتكلم بشبه صراخ : الله ياخذك كل ذا الصور عن الحرب و المعلومات ولا سويت شي وانا الي كتبت من الي انتصر وكل ذا ما سويت شي وبعد زياده على كيذا الاسأله والاجوبه من الي سواها انا طبعا وانتي حضرتك ما سويتي شي الا جبتي نص سطر
رهف : ..................نصابه
وراحت وتركتها
خلود لفت على صديقتها عهود وهي زاقه معها
خلود : شوفي الخسيسه انا الي مسويه النشاط كله وهي ما جابت الا نص سطر وجايه تتشرط
عهود ميته ضحك على شكل خلود : هههههههههههههههههه خلود امانتك ما جبتي جوالك اصورك
خلود : على تبن يا ظريفه انتي
عهود : ههههههههههههههههه
خلود : اقول تعالي انا ناويه اخليها تصيح هذي الزفت
عهود : يلا اطربيني انا معك
خلود : حصة الانجليزي انشاء الله اخليها تشوف
((عند لميس))
في حصة الرياضيات كانت لميس نايمه سابع نومه
وجنبها رنيم ونفس الحاله نايمه
انتبهت لهم استاذه الرياضيات : لميس رنيم قوووموا هذي مدرسه مو بيتكم
لميس وهي دايخه : مو تقولون المدرسه هي بيتكم
رنيم : يقلع ام البيت الي ما نقدر ننام فيه
الاستاذه : عيب عليكم ما تحترمون الي قدامكم
لميس : ..................<<نايمه
رنيم ناظرت لميس : ...............<< من الدوخه ما تقدر تتكلم
ملاك : اخيرا استحيتوا على وجيهكم
الاستاذه تعمقت مع الموضوع : يا بنات البنت ما تحلى ولا تكمل بدون الحياء , لازم الوحده تستحي وتخلي الحياء يمشيها <<ههههه
البنات طقتهم الروعه
لميس وهي مصدومه : تستهبل ذي؟
رنيم وهي نفس حالتها : انا ادري عنها؟
لميس : الاستاذه استخفت
رنيم : يا لميس البنت ما تكمل ولا تحلى بدون الحياء هههههههه<<تقلد الاستاذه
والاستاذه سوت لهم محاضره عن الحياء وقعدت تكمل
والبنات طاقتهم الروعه
عند خلود
كان عليهم انجليزي وطبعا الانجليزي له كلاس خاص وكان فيه اربعه فصوول للأجليزي
aوbوcوd
وكانت خلود بصف
c
ولما دخلت جت بتقعد بمكانها الي متعوده عليه الا وتلقا رهف قاعده عليه
خلود (وهذا الي ابيه الحين اوريك ان ما خليتك تندميين)1
راحت خلود لها : هيه انتي قومي ذا مكاني <<الاسلوب يرحم هع
رهف: ولله ما شفت اسمك مكتوب عليه
خلود : ولله شكل ودك اعلمك كيف اكتبه
رهف : يلا وش وراي
خلود كانت معها مسكت شعر رهف ورمتها على الارض : ولله لو اشوفك بس تحاولين تقعدين ما تشوفين خير
رهف وهي تصيح : انتي مو بنت استغفرالله
خلود : ايه اقول بس تقلعي
راحت رهف وهي تصيح وقعدت في مكان بعييد عن خلود
خلود تكلم نفسها : بزر وجايه تستقوي قالت ايش قالت ما شفت اسمك مكتوب عليه ما اقول الا مالت بس
ريما الي جنب خلود : خلود ايش فيك حاقده على رهف
خلود : مافيه شي جديد هذي من يومي في صف اولا متوسط وهي احقر انسانه شفتها بحياتي
ريما : اوما يعني مافيه امل نصلح بينكم
خلود : لا امل ولا عبير
ريما : ااه تقطعت من الظرافه انا
خلود : شفتي عاد
ريما : عاد ولا ثمود
خلود : اقول ما كأن الاستاذه تأخرت
ريما : الا وبقوه بعد لازم اكتبها بتاريخ اول مرره ما تجي قبل البنات
خلود : من جد بلعاده اول بنت تدخل الفصل تقول ليه متأخره
ريما : ههههه مـــ......رــــــــــ
ويقاطع ريما صوت بنت توها داخله الفصل وتصارخ
البنت : بنااااااااات فيه حريق بلمدرسه !!
خلود بعدم اهتمام : بالله كم مره احترقت المدرسه
ريما وهي خايفه : تستهبلين انتي تخيلي تحترقين
قامت خلود وراحت للبنت : وين الحريق فيه
البنت (جواهر) : في ساحة الرياضه
خلود : اوماا يعني قريب منا
جواهر : ايييييييييييييييه يلا بنات اطلعوووا رووحوا للساحه الي بررررررا
خلود طلعت من الفصل وتمشي حبه حبه
وشافت لميس على طريقها راحت لها
خلود : سمعتي اخر الاخبار
لميس : توفت استاذة الدين عارفه
خلود : اوما توفت
لميس : لا بس اتمنى << نذله
خلود : لا الخبر المدرسه احترقت
لميس : مافيه شي جديد اربعه وعشرين ساعه تحترق
خلود : ولله يروحون يدخنون وينطلون دخانهم في ساحة الرياضه ويقوولوون احترقت يستهبلون
لميس : خخخخخخ من جد
ومشوا الين ما طلعوا للساحه الي برا


قعدت لميس في الكرسي الي جنب البوابه وطلعت البلاك بيري حقها وفل اومها بلبي بي
خلود قعدت جنبها وطلعت الايبود حقها وقعدت تسمع اغاني حقت راشد الماجد (غمض عيونك).1
مرت المراقبه من عندهم وانتبهت لهم وجت لهم مسرعه
المراقبه : بسرعا انتي وياها وش كنتم تسوون بأجهزتكم يلا بسرعا عطوني اياها
لميس : ...................<< ما تدري انها تكلمها
خلود : .......................<< تسمع ايبود ولا سمعتها
المراقبه طرطعت : بناااااااااااااااااااااااااااااااااااااااااااااااا ااااااااااااااات
لميس وقلبها طاح في سروالها : وجـــــــــــــــــــــــــــــــــــــــــع
خلود : ...................<< ولا تسمع
المراقبه سحبت الايبود حق خلود : قليلة ادب تسمعين اغاني راشد الماجد حب وما حب وقلة ادب
خلود : مسويه طالعه منها اول شي كيف عرفتي اسمه هذا من زود المعرفه
لميس : ههههههههه ايه لاحظت
المراقبه نطلت الايبود على الارض وراحت
خلود وهي منصدمه : جعل يدك الكسر يوم انك تطيحينه
لميس وهي ودها تتفل بوجهها : وش تحس به ذي
راحت لميس ولحقت الاستاذه وسبقتها بمسافه وعطتها ظهرها ولما جت من جنبها عكرفت لها وطاحت على خشتها
والبنات لحظات صمت بعدين ماتوا ضحك : هههههههههههههههههه
خلود وهي فرحانه : احسسسسسسسسسسسسسسسن طحتي مثل الايبود
المراقبه : وجع ما تشوفين
لميس : بسألك سؤال صريح انتي حوله ولا وش قصتك شايفتني معطيتك ظهري تبيني اشوفك يعني وبعدين انتي ليه ما شفتي رجلي ولله حووله وجايه تهاوش
المراقبه طرطععععععععععععععت : جعلك الكسر الي يكسرك
لميس : ويكسرك انشاء الله
راحت لميس وتركت المراقبه
ورن جرس الطلعه
قعدووا لميس وخلود في الكراسي
خلود : ولله اشكرك من جد طفيتي الحره الي فيني
لميس : العفوو اصلن تستحق اكثر
خلود : من جد
ونادا عليهم
لبسوا عباياتهم وطلعوا لياسر
خلود ولميس ركبوا ورا
خلود ولميس : السلام عليكم
ياسر : وعليكم السلام اقول خلصوني وحده منكم تركب قدام سواق ابوكم انا
لميس : ابد ابد مو مشكله
ياسر : اقول خلود وش مرجعك ورا امشي قدام
خلود : ولله مدري يا ياسر معد صرت اشووف من الدوخه
ياسر : اكيد سهرانه الين الساعه 3 وش تبين تصيرين مصحصه
خلود : ياليت
راحت خلود وركبت قدام
ومشووا للبيت
خلص البارت انشاء تعجبكم

ردوووودكم